giovedì 28 settembre 2023

Roberto Roganti: Onicofagia




O-NI-CO-FA-GO ? 
Ma … csa vul dir ?
Lè ün ca-s magna gl’ongi !
E te cum a fèt a savérel ?
Me a sun un onicofago !
Tè ? … Mô da quand ?
Da seimper, da quand a sun né
Ma … t’nè fat gnint par guarìr ?
Agh ho pruvè tanti volti ...
pensa … a sun stè fin boun
ed smétter ed fumèr ...
ma ed magnér’m agl’ongi, mochè !

I disen ch’ün lè nervous,
annoiè, stresè, ansious,
cal gh’ ha deinter ‘n dsèsi profànd.
Lè un tic compulsiv, involuntari,
ch’ün al fà par sgarerès

Me mujera a-m breva seimper
la dis c’agh ho dü man cal fan schiva
e le agh ha ragioun, ma l’è piò fort che mè ...
Le la dis ca-n stagh mai fèrem
al dè cun gl’ongi
la not cun al gambi ...
E tot parché agh ho al zervèl
ca-n sferma mai !

Secand me, quand la srà la me ora
al me corp al murirà e al zervel no !
Bisagna ca degga a me mujera
ed druvèr un lumein seinza pile
basta unir cun un fil lampadeina e zervel
c’a-m fagh lûs da par me !

---------------------------

Onicofagia

O-NI-CO-FA-GO ?
Ma … cosa vuol dire ?
È uno che si mangia le unghie !
E tu come fai a saperlo ?
Io sono un onicofago !
Tu ? ... Ma da quando ?
Da sempre, da quando sono nato.
Ma … hai fatto niente per guarire ?
Ho provato tante volte …
pensa … sono fin riuscito
a smettere di fumare …
ma di mangiarmi le unghie, macchè !

Dicono che uno è nervoso,
annoiato, strassato, ansioso,
che ha dentro un disagio profondo.
È un tic compulsivo, involontario,
che uno fa per sfogarsi

Mia moglie mi sgrida sempre
dice che ho due mani che fanno schifo
e ha ragione, ma è più forte di me …
Dice che non sto mai fermo
di giorno con le unghie
di notte con le gambe …
E tutto perché ho il cervello
che non si ferma mai ! 

Secondo me, quando sarà la mia ora
il mio corpo morirà e il cervello no !
Devo dire a mia moglie
di usare un lumino senza pile
basta unire con un filo lampadina e cervello
che mi faccio luce da solo !


Nessun commento:

Posta un commento