Roberto Roganti: Nadèl ed sanghèv

La porta la vin avèrta

i òc i-ein cunteinti

In un cantòun l’elber ed Nadèl

fèls e pìn ed lüsi

Pò il presepe

cun la stràlla cumátta

Gesù Putèin

e l’Ànzel

A tèvla ‘s fan dal batùdi

cum ‘n tèimp

A tèvla ‘s fan dal ciacri

cum ‘n famìa felìz

Il panettone

‘n bicêr ed tròp

‘na parola ed tròp…

… e ‘s’ciòpa l’infêren

Le s’stràpa via i cavì

i putèin i zighèn

‘s’intanèn

lò a môv al curtèl dl’aròst a l’aria

Par l’ira adurbèda

lò a ciapa fôgh

prémma lê

po’ i putèin

Sànghev sôver incóssa

anch sôvra l’elber

anch sôvra l’Ànzel

anch sôvra Gesù Putèin

La lama strichèda in man

sgàzzla ancárra

spetàcol giazèint

Po’ la ragiòun turn’indrê

vêrs ed desprèrazioun

‘na sola cossa da fer

fôra

sôvra al balcoun

zò…