A zonzo pàr Modna ed nôt
a-n són menga a l’orba
parché tött intôren
e ghè lûsi, di mondi lûsi
Lûsi ca a-m vinen adoss,
lûsi ca van luntan,
lûsi ca slampànen,
lûsi de dré di veder,
lûsi in zémma a i portoun,
lûsi in zémma a i palazz,
lûsi ind-i negozi …
E in sti dè
lûsi culuredi dapertött,
in zémma a i balcoun,
int-le fnèstri,
in zémma a i elber,
dintôren al cà …
Lûsi blò, rassi, zall, verd,
viola, naranz, bianchi
cal van e cal vinen
ca a-s corren adrèe
ca dan alegria
in ste noti zlèdi
int-la fin dl’an …
Nessun commento:
Posta un commento